Søk i Aktiv i Oslo

Arrangementet er fullført.

Ronja Røvardotter hovedbilde
tirsdag 
16:30
Det Norske Teatret

Ronja Røvardotter

Ei forteljing om venskap, håp og det å stå opp mot dei vaksne.

Den natta Ronja blir født, gjer eit bombeangrep at heimen hennar blir delt i to. Ronja Røvardotter er ungen til røvarhøvdingen Mattis, og ho veks opp midt i røvarbanden som det einaste barnet. Krigen held fram med å herje der ute, men stort sett på avstand.

Men så flyttar erkefienden til Mattis, Borka og røvarbanden hans, inn i den andre delen av borga dei bur i, og plutseleg er også heimen til Ronja blitt åstad for krangel og bråk. Utanfor borga brenn verda, men likevel vågar Ronja seg ut og tar til å utforske. Ein dag møter ho sonen til Borka, Birk, og dei to blir som bror og søster – til fedrane si store fortviling.

For å kunne vere i lag, og som ein protest mot krigen mellom foreldra, rømmer dei ut i skogen. Blant villvette og grådvergar vil dei to leve i fred med kvarandre. Men kan familiane deira nokon gong legge vekk stridsøksa? Og er det plass til to høvdingar i borga? Kanskje trengst det to modige barn for å skape endring.

Astrid Lindgrens barneklassikar Ronja Røvardotter er eit frodig eventyr om korleis det er å vere barn i ei kaotisk tid, om å kjempe for det ein meiner er rett, og om livsmot, venskap og å vilje forandre verda.

Mange barn har det som Birk og Ronja

Regissør Catrine Telle ønsker å plassere historia om Ronja i ein moderne ruin med krig og urettferd som bakteppe. Mange barn i verda veks opp under slike forhold i dag. Trass i omstenda blir det leika, levd og danna venskap – også på tvers av konfliktane som går føre seg mellom dei vaksne. I ruinane av krig og død veks det opp tre og blomar.

Passar frå 8 år.

Finn datoer og billetter her

Relaterte saker

Eventbilde: Krigens skjebner – på Akershus festning
mandag
19:00

Krigens skjebner – på Akershus festning

En vandreforestilling av og med Ross Kolby om syv skjebner under 2. verdenskrig på Akershus festning.

Eventbilde: Nybegynner-tirsdag
tirsdag
00:00

Nybegynner-tirsdag

Er du nybegynner på ski eller snowboard? Hver tirsdag er det 30% rabatt på privattimer og 50% rabatt på skiutleie hos SNØ.

Eventbilde: Oslo Pride 2024
onsdag
00:00

Oslo Pride 2024

Pride-festivalen går over 9 dager og består av Pride House, Pride Park, Mini Pride og Pride Parade. Her kan alle være nøyaktig den de er.